Хэнтий аймгийн Мөрөн сумын 1 дүгээр багийн Хатны-Энгэр гэдэг газарт өчигдөр суудлын машин онхолдож, 1 хүн нас баржээ. Уг ослын дуудлагаар очсон замын цагдаа 6 дугаар сарын 18-ны өдрийн 19:43 цагт онцгой байдлын албанд хандаж, цогцос гаргаж өгөхийг хүссэн байна. Уг хүсэлтээр тус аймгийн Онцгой байдлын газрын Эрэн хайх, аврах салбарын албан хаагчдыг очиход, иргэн Б-гийн “Приус-30” загварын суудлын машин онхолдож, иргэн М /27 настай, эмэгтэй/ уг машины төмөр хийцэд хавчуулагдан, нас барсан байжээ. Түүний цогцсыг гаргаж, цагдаагийн байгууллагад шилжүүлэн өгсөн аж.