Өчигдөр ням гаригт голын усанд 4 иргэн осолдож амиа алджээ. Хэт халалт үргэжилж байгаатай холбогдуулан Туул, Тэрэлж, Хэрлэн гол дагуу иргэдийн хөдөлгөөн ихсэж, голын усны ослын эрсдэл нэмэгдэж байна. Иймд голын хүчтэй урсгалаас аль болох хол байж, бага насны хүүхдэд тавих хараа хяналтаа сайжруулахыг Онцгой байдлын байгууллагаас анхаарууллаа. Энэ асуудлаар нийслэлийн Онцгой байдлын газраас өнөөдөр мэдээлэл өгч, нөхцөл байдлын талаар болон сэрэмжлүүлэг мэдээлэл өгөхөөр болжээ.