Ойрын өдрүүдэд Улаанбаатар хот төдийгүй ихэнх нутгаар халж, агаарын температур 30 хэмээс буухгүй тул наршихаас сэргийлэх зөвлөмж хүргэж байна.

Наршилтад бүх насны хүн өртөж болох хэдий ч бага насны хүүхэд, зүрх судасны өвчтэй, артерийн даралт өндөртэй, жирэмсэн хүмүүс илүү эрсдэлтэй.

Илрэх шинж тэмдэг:

-Нууц үе 30 минутаас 18 цаг;

-Дотор бачуурч, бие нозоорох;

-Дотор муухайрах, бөөлжих, суулгах;

-Бага зэрэг халуурах;

-Ходоод гэдэсний хэвийн ажиллагаа хямрах;

-Нүд харанхуйлж, толгой эргэх.

Авах арга хэмжээ:

-Дээрх шинж тэмдэг илэрвэл эмчид яаралтай хандан үзүүлж зөвлөгөө авах;

-Буцалсан усыг хөргөөн задгай саванд хийж, наранд халаагаад уг усаа уух буюу толгой биеийг угааж хэвших;

-Зөв тохирсон шингэнийг насны онцлогт тохируулан, аль болох ойрхон олон удаа хэрэглэх;

-Нарнаас хамгаалж, гэртээ чийгтэй сэрүүн орчин бүрдүүлэх;

-Хэрэв халуурвал хүйтэн жинг толгой, шилэн хүзүү орчимд тавьж, халуунаа бууруулах;

Хоол унд хорихгүй учраас шим тэжээлтэй хоол идэх нь зүйтэй.

Наршихаас сэргийлэх:

-Наранд аль болох бага явах

-Нарны шууд тусгалаас хамгаалах нүдний шил, малгай байнга өмсөх

-Гар, хөл, хүзүү зэргийг наранд ил гаргах хэрэггүй. Учир нь зөвхөн толгойноосоо халснаар наршдаггүй. Нарны тусгалыг шууд хүлээн авч байгаа биеийн бусад хэсгээр ч наршиж болно. Тиймээс хэт халуун өдөр майк, богино ханцуйтай цамц өмсөх биш, урт ханцуйтай нимгэн цамц өмсөөрэй.

-Нярай хүүхдийг гадаа гаргахдаа сүүдрэвчинд байлгаж, чийглэг сэрүүн орчин бүрдүүлэх

-Шингэнийг аль болох олон хэлбэрээр (буцалгаж ширгээсэн ус, хөргөсөн цай, жимсний шүүс, хярам) ойр ойрхон уух

-Хэт хөлдөөсөн зайрмаг, мөс, хэт хүйтэн ус, ундаа уух нь хоолой өвдөх нөхцөлийг бүрдүүлдэг тул эцэг эхчүүд анхаарахыг зөвлөе.