<figure class="wp-block-pullquote has-text-align-center"><blockquote><p><em><strong>И-спорт тэр дундаа &#8220;Counter Strike&#8221; тоглодог үеийнхэнд “Lexor2k”-ыг танихгүй мэдэхгүй хүн ховор биз ээ. 17 настайдаа сэтгүүлч, хөтлөгчөөр ажиллаж байхдаа испортын мэдээ бэлдэж, контент хийдэг байсан түүний хувьд CS2-ын тоглогч байсан төдийгүй одоо ч өөрийн Юүтүб сувгаараа дамжуулан стрийм хийдэг. 155 мянган дагагчтай “Lexor2k” буюу Э.Тэмүүлэнтэй испорт болон &#8220;The MongolZ&#8221; багийнхны талаар ярилцлаа. </strong></em></p></blockquote></figure> <p>&#8211;<strong>Бидний урилгыг хүлээн авч ярилцаж буйд баярлалаа. Хэзээнээс испортын ертөнцөд хөл тавьсан талаар ярилцлагаа эхлүүлье.</strong></p> <p>-Сайн байна уу. Time.mn сайтыг уншиж байгаа уншигчдадаа энэ өдрийн мэнд хүргэе. Би CS тоглоод 8 жил болж байна.</p> <p>&#8211;<strong>Анх яагаад энэ тоглоомоор тоглож эхлэх болсон нь сонирхолтой санагдаж байна. Тасралтгүй 8 жил энэ төрлийн контент хийнэ гэдэг амаргүй байх.</strong></p> <p>-Миний ажиллаж байсан ажлын байрнуудаас хамгийн сонирхолтой нь телевизийн салбар байсан. Хэзээ ч тоглоомын ертөнцөөр ажиллана гэж бодож байгаагүй. 17 настайдаа телевизэд сэтгүүлч, хөтлөгчөөр ажиллаж мэдээ бэлдэх, контент хийгээд явж байхад сонирхолтой байгаад үргэлжлүүлээд үүгээрээ амьдарч бас болох юм байна гээд тэгээд шийдээд тасралтгүй 8 жил энэ чиглэлээр ажиллаж, тоглож явж байна.</p> <p>&#8211;<strong>Тухайн үед </strong><strong>CS</strong><strong> одоогийнх шиг хөгжилтэй байгаагүй шүү дээ. Олон нийт компьютрын тоглоом гэж л хардаг, шүүмжилдэг байсан. Үүний хажуугаар тууштай тоглох, ажиллах боломжийг яаж олсон бэ?</strong></p> <p>-Миний зорилго и-спортыг эцэг эхчүүдэд энэ зөвхөн тоглоом биш шүү гэдгийг харуулах зорилготой байсан. Үүнийхээ дагуу ч мэдлэг өгөх контент хийдэг байлаа. Нэр хүндтэй болох гэхээс илүүтэй миний дээд үе, олон нийт тоглоом бус спорт мэргэжил гэж хараасай, мэдээсэй гэсэндээ л юмнуудаа хийж эхэлсэн.</p> <figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="590" height="738" data-id="106616" src="https://admin.time.mn/wp-content/uploads/2025/07/dc5ee9af-ba67-43d4-9128-6d7c14d2c9e3.jpg" alt="" class="wp-image-106616" srcset="https://admin.time.mn/wp-content/uploads/2025/07/dc5ee9af-ba67-43d4-9128-6d7c14d2c9e3.jpg 590w, https://admin.time.mn/wp-content/uploads/2025/07/dc5ee9af-ba67-43d4-9128-6d7c14d2c9e3-240x300.jpg 240w" sizes="auto, (max-width: 590px) 100vw, 590px" /></figure> <figure class="wp-block-image size-large"><img loading="lazy" decoding="async" width="590" height="620" data-id="106617" src="https://admin.time.mn/wp-content/uploads/2025/07/2209b569-fe25-4755-8859-3bcb1e8ae45f.jpg" alt="" class="wp-image-106617" srcset="https://admin.time.mn/wp-content/uploads/2025/07/2209b569-fe25-4755-8859-3bcb1e8ae45f.jpg 590w, https://admin.time.mn/wp-content/uploads/2025/07/2209b569-fe25-4755-8859-3bcb1e8ae45f-285x300.jpg 285w" sizes="auto, (max-width: 590px) 100vw, 590px" /></figure> </figure> <p>&#8211;<strong>Стрийм хийхээсээ өмнө нь аль нэг багт харьяалагдаж тоглож байсан уу?</strong></p> <p>-Хамгийн анх “Хүннү” гэдэг багт тоглодог байсан. Тэр багаа өөрөө бүрдүүлээд, спонсор олоод нэлээн шаргуу тоглож байсан. Тухайн үедээ ч манай баг Монголын топ-4 багийн нэг байсан. Тэгээд яалт ч үгүй гэрийнхэн ойлгодоггүй гэдэг шалтгаанаар баг тарсан. Үүний дараа “Faded” гэдэг баг босгоод мөн тоглодог байсан. Үүний дараа л стрийм хийгээд явъя гэж шийдсэн. Одоо хүртэл хийсээр байна.</p> <p>&#8211;<strong>Тухайн үед испортын хэр олон багууд байсан бэ?</strong></p> <p>-Намайг тоглож эхэлж байх тэр үед цөөхөн багууд байсан. Тэдгээр багууд бэлтгэлийн байр гэхээсээ илүү PC-нд бэлддэг байсан. Ганц бэлтгэлийн байртай байсан нь “MongolZ” байсан. Бусад баг нь PC-ээс тоглодог. Үүний дараа “Faded” баг үүсэж байхад TBC болон 2-3 баг бэлтгэлийн байртай болж байсан.</p> <figure class="wp-block-gallery has-nested-images columns-default is-cropped wp-block-gallery-2 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="638" height="360" data-id="106614" src="https://admin.time.mn/wp-content/uploads/2025/07/5b732bc4-6e63-450a-8458-88301032dde5.jpg" alt="" class="wp-image-106614" srcset="https://admin.time.mn/wp-content/uploads/2025/07/5b732bc4-6e63-450a-8458-88301032dde5.jpg 638w, https://admin.time.mn/wp-content/uploads/2025/07/5b732bc4-6e63-450a-8458-88301032dde5-300x169.jpg 300w" sizes="auto, (max-width: 638px) 100vw, 638px" /></figure> <figure class="wp-block-image size-large"><img loading="lazy" decoding="async" width="590" height="787" data-id="106615" src="https://admin.time.mn/wp-content/uploads/2025/07/a10b3171-a666-4484-8a48-5be38edc676e.jpg" alt="" class="wp-image-106615" srcset="https://admin.time.mn/wp-content/uploads/2025/07/a10b3171-a666-4484-8a48-5be38edc676e.jpg 590w, https://admin.time.mn/wp-content/uploads/2025/07/a10b3171-a666-4484-8a48-5be38edc676e-225x300.jpg 225w" sizes="auto, (max-width: 590px) 100vw, 590px" /></figure> <figure class="wp-block-image size-large"><img loading="lazy" decoding="async" width="1024" height="576" data-id="106761" src="https://admin.time.mn/wp-content/uploads/2025/07/3d577022-ccea-4bd5-8d4c-0b10b1035771-1024x576.jpg" alt="" class="wp-image-106761" srcset="https://admin.time.mn/wp-content/uploads/2025/07/3d577022-ccea-4bd5-8d4c-0b10b1035771-1024x576.jpg 1024w, https://admin.time.mn/wp-content/uploads/2025/07/3d577022-ccea-4bd5-8d4c-0b10b1035771-300x169.jpg 300w, https://admin.time.mn/wp-content/uploads/2025/07/3d577022-ccea-4bd5-8d4c-0b10b1035771-768x432.jpg 768w, https://admin.time.mn/wp-content/uploads/2025/07/3d577022-ccea-4bd5-8d4c-0b10b1035771-1536x864.jpg 1536w, https://admin.time.mn/wp-content/uploads/2025/07/3d577022-ccea-4bd5-8d4c-0b10b1035771.jpg 1920w" sizes="auto, (max-width: 1024px) 100vw, 1024px" /></figure> </figure> <p>&#8211;<strong>The </strong><strong>“MongolZ”-ын тамирчдыг хэр мэдэх вэ? Багаас нь тоглож байсан уу?</strong></p> <p>-Мэднэ ээ. Багаас нь хамт тоглож байсан. Тоглогч нарын үе гэж байгаа шүү дээ. Senzu,Techno4k, Mzinho нарын үеэс хамгийн сайн нь энэ гурав байсан. Жоохон хүүхдүүд байсан шүү дээ. PC-нд нэг их тоглодоггүй байлаа. Тухайн үед “Gold league” гээд Монголын лигт хоорондоо таарч тоглоно, хааяа PC-ны лангийн тэмцээнд таардаг байлаа. Одоогийн “MongolZ”-ын тоглогчид хамгийн потенциал өндөртэй, сайн тоглодог тоглогч нар байсан. Тэгээд эхнээсээ багт ороод ямар тоглогч гэдгээ харуулаад том том аваргуудад нэлээн анзаарагдсан.</p> <p>&#8211;<strong>Өөрөө </strong><strong>CS</strong><strong>-ын тоглогчийн хувьд “</strong><strong>The MongolZ</strong><strong>” багийн тоглолтын талаар юу хэлэх вэ?</strong></p> <p>-Багуудын тоглолтын энгийн систем байгаа шүү дээ. Тэр системийг эсрэг багтаа тааруулсан гэхдээ хувийн чадвар давамгайлсан байдалтай тоглодог. Цаасан дээр бичигдсэн дүрмээр тоглохоос илүү өөрсдөө тухайн цаг үед гаргаж буй шийдвэр сайн байдаг учраас ийм амжилттай байгаа болов уу гэж харж байна. Мөн MongolZ-ын баг доторх харилцаа, уур амьсгал өндөр нөлөөтэй буй. Миний багт тоглож байсан үе, одоо багт байгаа үеийн асуудал хэцүү шүү дээ. Эго өндөртэй тоглогч, хоорондоо маргалддаг, нэгнийхээ үгийг сонсдоггүй зөрөлдөх асуудал байдаг бол MongolZ-ын хувьд эсрэгээрээ хоорондоо зохицож ажилладаг учраас ийм сайн амжилттай явдаг болов уу гэж бодож байна.</p> <p>&#8211;<strong>Саяхан болсон “Austin Major 2025” буюу CS-ын Дэлхийн аваргын төлөө тоглосон тэдний тоглолтыг та хэрхэн дүгнэх вэ?</strong></p> <p>-Эхний мап Mirage дээр “MongolZ” сайн тоглоод хожил авчихсан. Гэхдээ үлдсэн хоёр мап дээр “Vitality” баг арай олон тэмцээн, тайзны финалд тоглоод үзчихсэн туршлагатай байсан учраас илүү тоглолтыг үзүүлсэн. Dust2 бол “MongolZ”-ын хаана юу хийж байгааг бүгдийг нь мэдээд, урьдчилан бэлдчихсэн тоглолттой гарч ирсэн. Бэлдсэн тоглолт дээр хэчнээн сайн буудалттай байгаад ч багийн тоглолтыг дийлээгүй. Гэхдээ дараагийн тэмцээнүүд болон ирэх арванхоёрдугаар сард болох Мажор дээр бараг хожчих болов уу гэж таамаглаж байгаа. Яагаад гэвэл сүүлийн нэг жил хагасын хугацаанд “MongolZ”-ын орсон тэмцээнүүд доошилсон тохиолдол байхгүй. Жижиг тэмцээнүүдэд бүгдэд нь хожоод, Дэлхийн топ-4 багийн нэг болчихсон, уригддаг болсон учраас тэдний хувьд Мажорын финал энгийн үзэгдэл болчих байх гэж бодож байна.</p> <p>&#8211;<strong>Тэдний гаргасан амжилтыг хараад эцэг, эхчүүд хүүхдүүдээ </strong><strong>CS</strong><strong> тоглуулах нь ихэссэн байна лээ. Адилхан тоглогч болчих, чадна гэсэн зүйлийг ч </strong><strong>Techno4k</strong><strong> ярьсан. Таны хувьд энэ тал дээр юу хэлмээр байна.</strong></p> <p>-Хүссэн болгон нь тоглоомын ертөнцөөр амьдарч чадахгүй учраас шууд тоглоё гэсэнд нь компьютер авч өгөөд тоглуулаад байж болохгүй гэж бодож байна. Яах вэ эсрэгээрээ тоглуулж байгаагийн давуу тал гэвэл Mzinho, Senzu шиг тоглогчид тэр дундаас төрөх магадлал өндөр. Тиймээс ойрын 3-4 жилдээ шинэ залуу тоглогчдын эрин үе эхлэх байх гэж хараад байгаа. Хамгийн залуу тоглогчидтой баг “The MongolZ” байгаа шүү дээ.</p> <p>&#8211;<strong>Сая 3х3 сагсанбөмбөгийн шигшээ баг ДАШТ-ээс мөнгөн медаль хүртэж, Ерөнхийлөгчийн зарлигаар гавьяат тамирчин цол хүртсэн. Тэдний амжилтыг төр ийн үнэлсэн учраас адилхан байж “</strong><strong>The MongolZ</strong><strong>”-ыг ч бас шагнах хэрэгтэй гэсэн байр суурь олон нийтийн дунд байна л даа. Та энэ тал дээр юу хэлэх вэ? Шагнах нь зөв үү?</strong></p> <p>-Миний бодлоор “CS” уламжлалт спортод багтаагүй учраас шууд шагнал авахаар хэмжээний санагдахгүй байгаа болов уу? Шагнал авахаас илүүтэй “The MongolZ” бидэнд байгаа нь л том шагнал болоод байна шүү дээ. Дэлхийн аваргын финалд гарч ирээд монгол даяараа тоглолтыг нь үзлээ. 2008 оны олимпын наадмаар алтан медаль авч байсан үеэс илүү олон хүн үзсэн нь шагнал юм болов уу гэж бодож байна.</p> <p>&#8211;<strong>Та дээр хэлсэн. Хүссэн болгон нь тоглоомын ертөнцөөр амьдарч чадахгүй гэж. Компьютерын ард суугаад л тоглоод амжилтад хүрнэ гэж хараад байх шиг байгаа юм. Гэхдээ эсрэг багаа судлах, шийдвэр гаргах гээд нэлээн ур чадвар шаардаад байна шүү дээ.</strong></p> <p>-CS бол оюуны спорт л доо. Эсрэг багаа унших, шийдвэр гаргалтууд, тулсан цаг үед хэрхэн реакцалж байна гэдэг нь чухал. Зөвхөн маус, чихэвч зүүгээд болчихдог зүйл биш учраас хувь хүнээс маш их зүйл хамаардаг. Сэргэлэн байна уу үгүй юу? Ямар шийдвэр гаргаж байна. Зарим тохиолдолд багийнхантайгаа яаж ойлголцож байна гэдэг нь ч хүртэл хамаардаг. Одоо шинээр тоглож гарч ирж байгаа хүүхдүүдээс багийн менежер, дасгалжуулагчид хүмүүжлийг хардаг болчихсон. Яг ямар хүмүүжилтэй хүүхэд вэ? Хүний үг авч байна уу, багийнхантайгаа хэр байна вэ гэдгийг л их хардаг болсон. Ур чадвар бол цаанаас нь өгөгдчихсөн энгийн зүйл болчихсон л доо. Байнгын бэлтгэл хийж байгаа учраас ур чадвар өсөж л байна. Нэмэгдэнэ үү гэхээс уруудах магадлал бага. Ер нь шийдвэр гаргалт дээр л анхаардаг.</p> <p>&#8211;<strong>Стрийм хийгээд удаж байгаа. Ганцаараа стрийм, контентоо хийж байна уу?</strong></p> <p>-Сүүлийн хоёр жил зөвхөн стриймээр биш контент хийдэг багтай болсон. Эвлүүлэгч, орчуулагч, зураглаач гээд 5 хүнтэй баг ажиллаж буй.</p> <p>&#8211;<strong>CS</strong><strong> тоглоомын хөгжлийг хэрхэн тодорхойлох вэ? Маш олон үзэгчтэй, шагналын сан өндөртэй, олимпын төрөлд багтах эсэх талаар ч яригддаг шүү дээ. Тэгэхээр ирээдүйн хөгжил нь ямар байх бол.</strong></p> <p>-CS олимпын төрөлд нэлээн дээр л орох ёстой байсан байх. Миний санахаар 2019 оноос хойш олимпын төрөлд багтана гэсэн яриа явж байсан. Гэхдээ олимпод орсон ороогүй нэг төрлийн олимп шиг том тэмцээн болчихсон учраас олимпын төрөлд орох нь бараг хэрэггүй л болов уу гэж бодож байна. Сүүлийн жилүүдэд маш олон шинэ тоглоом гарч ирж байгаа. Гэхдээ “CS” дийлэх тоглоом гарч ирээгүй байна. Цаашдаа ч энэ өндрөөсөө нэг их холдохгүй байх гэж бодож байна. ДОТА-д уналтын үе гараад маш олон тоглогч тоглохоо больсон. Гэтэл CS нэмэгдэнэ үү гэхээс багассан тохиолдол байхгүй. Тиймээс энэ тоглоомын хөгжил нэлээн дээшээ л явна.</p>