2025 оны төсвийн тодотголыг өнөөдөр УИХ-ын чуулганы хуралдаанаар хэлэлцсэн юм. Улмаар Үзэл баримтлалын хүрээнд дэмжих эсэх саналын томьёоллоор санал хураахад хуралд нийт 109 гишүүн оролцсоноос 59 гишүүн дэмжсэн буюу 54.1 хувийн саналаар дэмжигдлээ. Харин үлдсэн 46 хувь нь дэмжихгүй гэсэн санал өгчээ. Ингэснээр анхны хэлэлцүүлэгт бэлтгүүлэхээр Төсвийн байнгын хороонд шилжүүлсэн юм. Төсвийн тодотголыг яаралтай журмаар батлах төлөвлөгөөтэй бөгөөд хаврын чуулган хаахаас өмнө батлахаар төлөвлөж хуваарьт оруулаад байна.