<p><strong><em>Олон улсын нэр хүндтэй “Silk Way 2025” (Торгоны зам) уралдааны мотоциклийн ангилалд ОУХМ П.Мөрөн түрүүлж, “Цагаан арслан” цомын эзэн болсон билээ. Түүний талаар уралдааны албан ёсны сайт дээр “Murun Purevdorj caught up with Ilya Shcheglov” хэмээн онцолсон. Тодруулбал тэрээр өнгөрсөн жилийн уралдаанд хоёрдугаар байрт ороод байсан бол энэ жил хүчтэй өрсөлдөгчөө гүйцэн, эргэн ирэлт хийж түрүүлсэн юм. Дашрамд дурдахад, түүний хувьд хагалгаанд орох заалттай мөрний гэмтэлтэй байсан ч 11 өдрийн турш уралдаж зорилгоо биелүүлээд байна. Тэр бол удам дамжсан тамирчин төдийгүй өнгөрсөн жил авто мото спортын олимп гэгддэг “Дакар ралли”-д уралдаж, амжилттай бариандаа орсон билээ.</em></strong></p> <p>&#8211;<strong>“Торгоны зам” олон улсын уралдааны мотоциклийн ангилалд түрүүлж “Цагаан арслан” цомын эзэн боллоо. Өнгөрсөн жил хоёрдугаар байр эзэлж байсан. Энэ жил дутуугаа гүйцээгээд ирлээ. Сэтгэгдэл хэр байна вэ?</strong></p> <p>“Торгоны зам” уралдаанд 2021, 2024, 2025 он гээд гурав дахь удаагаа уралдлаа. Энэ жил найзтайгаа хоёулаа явсан. Гурав дахь удаагаа илүү туршлагатай хашир үзлээ. Өмнө нь уралдаж байсан маш олон сайн тамирчидтай ОХУ болон Монголын нутаг дэвсгэрээр нийт 5000км замыг 11 өдрийн турш уралдаж, түрүүлээд ирлээ.</p> <p>&#8211;<strong>Түрүүлнэ гэдгээ мэдэж байсан уу? Уралдааны хувьд хэр байв?</strong></p> <p>Мэдээж энэ жилийн зорилго түрүүлэх байсан. Өнгөрсөн жил түрүүлж явж байгаад харамсалтайгаар Ховд аймгийн нутаг дэвсгэр дэх голд живээд нэлээн цаг алдсан. Өрсөлдөгчөө шахсаар байгаад 30-40 минутын зайг 6 минут болгож хоёрдугаар байрт орж байсан. Харин энэ жил өөртөө аль болох төвлөрөхийг хичээж байнга өөрийгөө барьж байлаа. Өмнөх алдаагаа давтахгүй, дүрмээ сайн мөрдөх талаар урьдаас сайн төлөвлөсөн. Тиймдээ ч уралдахдаа үүнийгээ баримталж явсан. Янз бүрийн илүү үйлдэл хийхгүйгээр сэтгэл хөдлөлөө барьж уралдах гэж хичээлээ.</p> <p><strong>-Уралдааны барианаас эхлээд нэлээн сайн явж байсан</strong>. <strong>Хоёрдугаар байрт орсон тамирчин нь ямар тамирчин байсан бэ? Өрсөлдөгчөөсөө хоёр цаг гаруй хугацаагаар түрүүлж барианд орсон гэсэн мэдээлэл байсан л даа.</strong></p> <p>Эхний дөрвөн өдрийн дараах байдлаар би хоёрдугаар байрт бичигдэж байсан. Эхний байрт Иля Шклов гээд ОХУ-ын тамирчин надаас 6-7 км-ын зайтай явсан. ОХУ-ын нутаг дэвсгэр дээр түүний давуу тал арай их байсан. Шавартай, устай, модтой эндура төрлийн замаар 170 кг жинтэй мотоциклоор уралдахад миний хувьд бага зэргийн асуудалтай байсан. Яагаад гэвэл зүүн мөр маань хагалгааны заалттай бэртэлтэй байсан. Тиймээс Монголын нутаг дэвсгэртээ орж байгаад цагаа нөхнө, эрсдэл бага гаргая гэсэн төлөвлөгөөтэй байсан. Ингээд монголд орж ирсний 6 дахь өдөр Орос тамирчин залуу нүдэн дээр унасан. Түүний өмнөх бэртэл нь сэдрээд, мотоцикл нь асуудалтай болоод цааш үргэлжлүүлэн уралдах боломжгүй болсон. Ороогүй цэг болон уралдах замаа дуусгаагүй учраас нэлээн хэдэн цагаар торгуулаад тухайн тамирчны байр хойш ухарсан. Түүний оронд өөр тамирчин хоёрдугаар байрт орсон. Тэр тамирчин надаас 2 цаг 30 минутын зайтай байсан. Энэ жил хоёр тамирчинтай минут, секундээр ойролцоо уралдсан.</p> <p>&#8211;<strong>Мөрний бэртэлтэй байсан хэр нь нийт 11 өдөр уралдсан байна. Яаж ийж байгаад замаа дуусгая гэж шийдсэн үү?</strong></p> <p>“Баха” уралдаанд оролцож байхдаа мөрөндөө бэртэл авсан. Бэртэлтэй байсан нь харамсалтай юм болсон. Яалт ч үгүй уралдахаас өмнө эдгэж ч амжаагүй. Хагалгаанд орчихъё гэхээр уралдаандаа орж чадахгүй болчхоод байсан. Ямар ч байсан уралдаад дуусгасан. Хурдтай явж байх үед хажуу талаас хад чулуу цохих эсвэл элсэн дундуур мушгих үйлдлүүд дээр өвдөж байлаа. Гэхдээ зорилготой явсан болохоор аль болох өвдөлтөө мартсан.</p> <p>&#8211;<strong>П.Мөрөнгийн талаар уралдааны албан ёсны сайт дээр “Murun Purevdorj caught up with Ilya Shcheglov” хэмээн онцолсон байсан л даа. Өшөөгөө авсан гэсэн байсан.</strong></p> <p>Өшөө авалт гэхээсээ илүү өнгөрсөн жилийн авч чадаагүй цомоо л авахыг хүссэн. Тэр л миний зорилго байсан. Тэрнээс Орос залуучуудтай өрсөлдөөд өшөө авахыг хүсээгүй. Гол зорилго түрүүлэх л байлаа. Би уралдаан дээр ч “Энд хөгжилдөх гэж ирээгүй, түрүүлж цом авах гэж ирсэн” гэж хэлсэн. Тэгээд онцолсон байна лээ. Өнгөрсөн жил намайг их онцлоод байсан. Энэ жил ярилцлага авсан хэр нь өөр юмнуудыг маань оруулахгүй байсан. Би тэрийг жоохон гайхсан л даа. Гэхдээ энэ чухал байгаагүй. Түрүүлэх л чухал байсан болохоор маш олон хүний туслалцаа, дэмжлэг баг хамт олон, гэр бүл эхнэр, хүүхэд олон хүний дэмжлэгтэйгээр энэ цомоо авсан.</p> <figure class="wp-block-gallery has-nested-images columns-default is-cropped wp-block-gallery-1 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="1024" height="683" data-id="108775" src="https://admin.time.mn/wp-content/uploads/2025/07/i-dcxwfjz-x5-1024x683.jpg" alt="" class="wp-image-108775" srcset="https://admin.time.mn/wp-content/uploads/2025/07/i-dcxwfjz-x5-1024x683.jpg 1024w, https://admin.time.mn/wp-content/uploads/2025/07/i-dcxwfjz-x5-300x200.jpg 300w, https://admin.time.mn/wp-content/uploads/2025/07/i-dcxwfjz-x5-768x512.jpg 768w, https://admin.time.mn/wp-content/uploads/2025/07/i-dcxwfjz-x5-1536x1024.jpg 1536w, https://admin.time.mn/wp-content/uploads/2025/07/i-dcxwfjz-x5.jpg 1620w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="683" data-id="108776" src="https://admin.time.mn/wp-content/uploads/2025/07/520901379_23970641192587549_265375303521076575_n-1024x683-1.jpg" alt="" class="wp-image-108776" srcset="https://admin.time.mn/wp-content/uploads/2025/07/520901379_23970641192587549_265375303521076575_n-1024x683-1.jpg 1024w, https://admin.time.mn/wp-content/uploads/2025/07/520901379_23970641192587549_265375303521076575_n-1024x683-1-300x200.jpg 300w, https://admin.time.mn/wp-content/uploads/2025/07/520901379_23970641192587549_265375303521076575_n-1024x683-1-768x512.jpg 768w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="683" data-id="108777" src="https://admin.time.mn/wp-content/uploads/2025/07/i-ns8tqz4-x5-1024x683.jpg" alt="" class="wp-image-108777" srcset="https://admin.time.mn/wp-content/uploads/2025/07/i-ns8tqz4-x5-1024x683.jpg 1024w, https://admin.time.mn/wp-content/uploads/2025/07/i-ns8tqz4-x5-300x200.jpg 300w, https://admin.time.mn/wp-content/uploads/2025/07/i-ns8tqz4-x5-768x512.jpg 768w, https://admin.time.mn/wp-content/uploads/2025/07/i-ns8tqz4-x5-1536x1024.jpg 1536w, https://admin.time.mn/wp-content/uploads/2025/07/i-ns8tqz4-x5.jpg 1620w" sizes="auto, (max-width: 1024px) 100vw, 1024px" /></figure> </figure> <p>&#8211;<strong>Хамгийн хүнд уралдаан хаана байсан бэ? Хоёр орны нутаг дэвсгэрийг дамнаж уралдсан шүү дээ.</strong> <strong>Мэдээж хамгийн эрсдэлтэй спорт учраас бартаа саад нэлээн байсан нь гарцаагүй.</strong></p> <p>&#8220;Торгоны зам уралдаан&#8221; энэ жил ОХУ-ын газар нутгийн 20 хувиар үлдсэн нь Монголын газар нутгийг хамарсан. ОХУ-ын газар нутаг гэж байгаа боловч түүхэндээ манай газар нутаг байсан. Аль болох гадаад гэхээсээ илүү миний нутаг гэж бодож байсан. Газар нутаг маань түшсэн гэж харж буй. Бид Сэлэнгэ аймгийн хилээр орж ирээд, Улаанбаатар-Баянхонгор-Говь-Алтай-Ховд-Баян-Өлгий гээд хилээр гараад Горьны-Алтайн нутгаар явсан. Газар зүйн хувьд бүх л бартаат замаар уралддаг. Орос талын нутагт их гол гаталсан. </p> <p> Сүүлийн өдөр гэхэд 9 гол гарсан. Торгоны замынхан намайг буруу газраар гол гатлуулах гэж үзэж байна лээ. </p> <blockquote class="wp-block-quote is-layout-flow wp-block-quote-is-layout-flow"> <p>Албаар уу үгүй юу мэдэхгүй байна. </p> </blockquote> <p>Гүнзгий газраар гар гээд байсан. Би тамирчдаас тасарчихсан явж байсан. Бараг хөлөөрөө тулж доторх чулуунуудыг гаргасан. Хүмүүс гайхаад байна лээ. Нэлээн хашир үзсэн. Тэрнийхээ ачаар том том голуудыг амжилттай туулсан. Мэдээж тамирчид гол чулуу, уул хад байж болох бүх бартаат замаар уралддаг. 150 км зам гаруй элсэн цөлөөр явсан. Элсэн цөлөөр уралдаж байхдаа бишрээд л гарсан. Өнгөрсөн жил уралдаж байхдаа мөн биширч байсан. Хүмүүс нэг их мэдэхгүй байх. Абу Даби зэрэг гадаадад байдаг том манхнууд манай Монголд мөн байдаг. Орос тамирчдын хувьд элсэн зам дээр нэлээн цаг алдсан. Миний хувьд өнгөрсөн жил уралдаж байсан, мөн энэ жил Дакар раллид уралдаад ирсэн учраас арай давуу талтай байсан.</p> <p>&#8211;<strong>Дакар раллигийнхаа бэлтгэлд орох уу даа гэж бичсэн байсан. Өнгөрсөн жил Дакарт уралдаад амжилттай финиш хийсэн. Энэ жил амжилтаа ахиулахыг зорих байх. Бэлтгэлдээ гараад эхэлчихсэн үү?</strong></p> <p>Тийм. Өнгөрсөн жил нэг өдөр моторын асуудалтай байсан. Шууд дамжуулалт үзсэн хүмүүс мэдэж байгаа байх. Бараг уйлах гээд зогсож байсан. (инээв) Энэ жил яаж ийж байгаад өнгөрсөн жилийн амжилтаа ахиулах зорилготой байна. <strong>Гэхдээ яг үнэнийг хэлэхэд Дакарыг бодоход нуруу, гар, бөгсөн бие өвдөж байна. (инээв) Хэдий ч давж чадаагүй зүйл рүүгээ тэмүүлэх эрэгтэй хүний зан байдаг юм уу уралдаан дуусаад л Дакар бодогдож байсан. </strong>Дакар болох хугацаа дөхсөн байна. Тиймээс одооноос бэлтгэл ажлаа хангаад мөнгө санхүү, спонсор байгууллага, биеийн бэлтгэл, баг хамт олон гээд бүх зүйлээ одооноос бэлдээд эхэлж байна.</p> <figure class="wp-block-gallery has-nested-images columns-default is-cropped wp-block-gallery-2 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="1024" height="683" data-id="108778" src="https://admin.time.mn/wp-content/uploads/2025/07/521164797_23970641592587509_2483255978868588632_n-1-1024x683.jpg" alt="" class="wp-image-108778" srcset="https://admin.time.mn/wp-content/uploads/2025/07/521164797_23970641592587509_2483255978868588632_n-1-1024x683.jpg 1024w, https://admin.time.mn/wp-content/uploads/2025/07/521164797_23970641592587509_2483255978868588632_n-1-300x200.jpg 300w, https://admin.time.mn/wp-content/uploads/2025/07/521164797_23970641592587509_2483255978868588632_n-1-768x512.jpg 768w, https://admin.time.mn/wp-content/uploads/2025/07/521164797_23970641592587509_2483255978868588632_n-1-1536x1024.jpg 1536w, https://admin.time.mn/wp-content/uploads/2025/07/521164797_23970641592587509_2483255978868588632_n-1.jpg 1920w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="683" data-id="108779" src="https://admin.time.mn/wp-content/uploads/2025/07/522195969_23970641925920809_8776203050001465452_n-1-1024x683.jpg" alt="" class="wp-image-108779" srcset="https://admin.time.mn/wp-content/uploads/2025/07/522195969_23970641925920809_8776203050001465452_n-1-1024x683.jpg 1024w, https://admin.time.mn/wp-content/uploads/2025/07/522195969_23970641925920809_8776203050001465452_n-1-300x200.jpg 300w, https://admin.time.mn/wp-content/uploads/2025/07/522195969_23970641925920809_8776203050001465452_n-1-768x512.jpg 768w, https://admin.time.mn/wp-content/uploads/2025/07/522195969_23970641925920809_8776203050001465452_n-1-1536x1024.jpg 1536w, https://admin.time.mn/wp-content/uploads/2025/07/522195969_23970641925920809_8776203050001465452_n-1.jpg 1920w" sizes="auto, (max-width: 1024px) 100vw, 1024px" /></figure> </figure> <p>&#8211; <strong>Бидэнтэй ярилцсанд баярлалаа. Дакарт дахин уралдаж, монголынхоо нэрийг гаргахын ерөөл, амжилт хүсье. Дэмждэг хүмүүстээ юу гэж хэлэх вэ?</strong></p> <p>Намайг дэмждэг маш олон хүмүүс бий. Нэрийг нь дурдвал бичээд барахгүй их хүмүүс байгаа. Бодитоор дэмждэг, урам зориг өгч уухайлдаг, ирээд үздэг багш, ах дүү нар, хамаатан садан гээд олон хүмүүстээ маш их баярлалаа. Та нарын ачаар өдийг хүртсэн. Би энэ амжилтаа том гэж харахгүй байгаа. Цаашдаа том амжилт бүтээхийн тулд хичээнэ. Өдөр тутам сурч буй. Алдаа, дутагдалтай зүйл байсан ч дэмждэг хүмүүстээ баярлалаа. Дакарт дахин монгол туг, дээлтэйгээ очихын төлөө хамт байгаарай гэж хэлмээр байна.</p> <figure class="wp-block-gallery has-nested-images columns-default is-cropped wp-block-gallery-3 is-layout-flex wp-block-gallery-is-layout-flex"> <figure class="wp-block-image size-large"><img loading="lazy" decoding="async" width="1024" height="683" data-id="108780" src="https://admin.time.mn/wp-content/uploads/2025/07/514259234_10050062625071974_3621634881089463637_n-1024x683.jpg" alt="" class="wp-image-108780" srcset="https://admin.time.mn/wp-content/uploads/2025/07/514259234_10050062625071974_3621634881089463637_n-1024x683.jpg 1024w, https://admin.time.mn/wp-content/uploads/2025/07/514259234_10050062625071974_3621634881089463637_n-300x200.jpg 300w, https://admin.time.mn/wp-content/uploads/2025/07/514259234_10050062625071974_3621634881089463637_n-768x512.jpg 768w, https://admin.time.mn/wp-content/uploads/2025/07/514259234_10050062625071974_3621634881089463637_n-1536x1024.jpg 1536w, https://admin.time.mn/wp-content/uploads/2025/07/514259234_10050062625071974_3621634881089463637_n.jpg 2048w" sizes="auto, (max-width: 1024px) 100vw, 1024px" /></figure> <figure class="wp-block-image size-large"><img loading="lazy" decoding="async" width="1024" height="683" data-id="108781" src="https://admin.time.mn/wp-content/uploads/2025/07/514533735_10049469648464605_1462616905389445857_n-1024x683.jpg" alt="" class="wp-image-108781" srcset="https://admin.time.mn/wp-content/uploads/2025/07/514533735_10049469648464605_1462616905389445857_n-1024x683.jpg 1024w, https://admin.time.mn/wp-content/uploads/2025/07/514533735_10049469648464605_1462616905389445857_n-300x200.jpg 300w, https://admin.time.mn/wp-content/uploads/2025/07/514533735_10049469648464605_1462616905389445857_n-768x512.jpg 768w, https://admin.time.mn/wp-content/uploads/2025/07/514533735_10049469648464605_1462616905389445857_n-1536x1025.jpg 1536w, https://admin.time.mn/wp-content/uploads/2025/07/514533735_10049469648464605_1462616905389445857_n.jpg 2048w" sizes="auto, (max-width: 1024px) 100vw, 1024px" /><figcaption class="wp-element-caption">PUREVDORJ Murun (mng), KTM, Nomadas Adventure, FIM W2RC, Rally2, portrait during the Stage 11 of the Dakar 2025 on January 16, 2025 around Subaytah, Saudi Arabia &#8211; Photo Julien Delfosse / DPPI</figcaption></figure> </figure>