Засгийн газрын ээлжит хуралдаан өнөөдөр өглөө 08:00 цагт эхэллээ. Өнөөдрийн хуралдаанаар хэлэлцэх болон танилцах асуудлуудыг дурдъя. Монгол Улсын 2026 оны төсвийн төслийг боловсруулах ажлын явц, Газрыг улсын тусгай хэрэгцээнд авах тухай ЗГ-ын тогтоолын төслүүд, Эрчим хүчний салбарын өвөлжилтийн бэлтгэл ажил болон ДЦС3-ын сэргээн босголтын ажлын явцтай танилцах, Хөдөлмөр, нийгмийн түншлэлийн гурван талт 2023-2025 оны улсын хэлэлцээрийн хэрэгжилтийн талаар, Монгол Улсын Засгийн газар, НҮБ-ын Хүнс, хөдөө аж ахуйн байгууллага хооронд НҮБ-ын Хүнс, хөдөө аж ахуйн байгууллагын төлөөлөгчийн газар байгуулах тухай хэлэлцээрийн төсөл, Монгол-Хятадын Экспо арга хэмжээний бэлтгэл ажлыг хангах, зохион байгуулах Ажлын хэсэг байгуулах болоод бусад асуудлуудыг хэлэлцэж байгаа юм.