horoscope
horoscope
horoscope
Odmundur radio - FM 83.3/107
userГ. Мөнх-Эрдэнэ

Шинэ Зеланд улсад хоёр настай хүүхдийг чемоданд хийн аялж байсан эмэгтэй баригджээ

post-img

Шинэ Зеланд улсад хоёр настай хүүхдийг чемоданд хийгээд автобусаар аялж явсан эмэгтэй баривчлагдсан байна.

Ням гарагт тус улсын хойд хэсгийн Кайвака хотын автобусны зогсоолд тухайн автобусны жолооч зорчигч эмэгтэйгээс тээшээ нээхийг хүссэн бөгөөд цүнхэн дотор хоёр настай охин байсан гэжээ.

Автобусны жолооч тэр даруй цагдаа дуудсан ба анх зорчигч эмэгтэйн чемодан хөдлөөд байхыг анзаарч харснаа мэдүүлсэн байна.

Шинэ Зеланд улсын цагдаагийн газраас мэдэгдсэнээр чемодан дотор байсан охин нэлээд халууцсан боловч ямар нэгэн бэртэл, гэмтэлгүй байсан ба түүнийг эмнэлэгт хүргэж, үзлэг хийсэн гэжээ.

27 настай эмэгтэйд бага насны хүүхэдтэй зүй бус харьцаж, хайхрамжгүй хандсан хэрэгт буруутгасан байна. Түүний шүүх хурал даваа гарагт эхлэхээр болжээ.

Харин эрх баригчдын зүгээс баривчлагдсан эмэгтэй болон хоёр настай охин хоёрын ямар харилцаатай болохыг олон нийтэд илчилж, мэдээлээгүй байна.

0/1000