Дархан-Уул аймгийн Дархан сумын 1, 2, 3-р баг буюу Тосгон доторх хатуу хучилттай авто замыг шинэчилж байна. Улсын төсвийн хөрөнгөөр “Түвшин гэгээ” ХХК-ийн хийж буй энэхүү засвар, шинэчлэл 50%-тай үргэлжилж байна. Нийт 2 км 275 м замыг асфальтбетоноор хучихаас наадмын хуучин талбай орчмын замыг хучаад байна.

Тус сумын гэр хорооллын замыг өргөтгөх, засах ажил 2024.08.09-нд эхэлсэн. 2025.11.20-нд дуусгахаар төлөвлөжээ. Уг ажилд Дархан-Уул аймгийн Хот байгуулалт, барилга захиалагчийн газар хяналт тавьж буй аж.