Эцэг, эхчүүд та бүхэн “E-Mongolia” системээр дамжуулан хүүхдийнхээ “Цэцэрлэгт хамрагдах хүсэлтийн үр дүн”-г харах боломжтой. Үүний дараа цаг алдалгүй цахимаар гэрээгэээ байгуулахыг Боловсролын ерөнхий газар зөвлөлөө.

Гэрээ байгуулах алхам:

• “E-Mongolia” системд нэвтэрч, “Нийслэлийн цэцэрлэгт хамрагдах хүсэлтийн үр дүн” гэж хайн, тус үйлчилгээг сонгож орно.
• Цэцэрлэгийн насны хүүхдийн тань мэдээлэл гарч ирнэ. Таны хүүхэд аль нэг цэцэрлэгт хуваарилагдсан бол төлөв хэсэгт ХУВААРИЛАГДСАН гэсэн бичиг гарч ирнэ.
• Хүүхдийн тань мэдээллийн доор хуваарилагдсан цэцэрлэг нь харагдана. ГЭРЭЭ БАЙГУУЛАХ гэсэн цонхыг сонгож e-geree.mn системтэй холбогдон, цахимаар гэрээгээ байгуулах боломжтой.