Зурхай
Цаг агаар
Валютын ханш
Радио
userХ. Болормаа

Хууль бус шийдвэр гаргасан даргаар төрд учирсан хохирлыг нь төлүүлэхээр болов

Хууль бус шийдвэр гаргасан даргаар төрд учирсан хохирлыг нь төлүүлэхээр болов

Төрийн албаны зөвлөлөөс Говь-Алтай аймгийн Засаг даргын Тамгын газрын дарга А.У-г энэ онд шүүхэд өгч, 1.9 сая төгрөг нэхэмжилжээ. Учир нь тус аймгийн ЗДТГ-ын дарга У 2023 онд Тамгын газрын мэргэжилтэн Б-г ажлаас халсан байна. Б үүнийг хууль бус гэж үзэн, шүүхэд хандсанаар У түүнийг буцаан ажилд нь авч, ажилгүй байсан хугацааны нийгмийн болон эрүүл мэндийн даатгалын шимтгэлийг нь ЗДТГ-аар нөхөн төлүүлжээ. Б ажилгүй байсан үеийнхээ цалинг нэхэмжилсэн нэхэмжлэлээсээ татгалзан, тэд шүүхийн шатанд эвлэрсэн аж.

Үүгээр Тамгын газрын дарга У буруу шийдвэр гаргаж, төрийн албан хаагч Б-г ажлаас нь үндэслэлгүй халснаа хүлээн зөвшөөрсөн байна. Тиймээс Б-д төрөөс нөхөн төлсөн шимтгэлийн мөнгийг У-гаас гаргуулахаар Төрийн албаны зөвлөл 2025 оны 4-р сард Говь-Алтай аймаг дахь Захиргааны хэргийн анхан шатны шүүхэд ханджээ.

Говь-Алтай аймаг дахь Захиргааны хэргийн анхан шатны шүүх уг нэхэмжлэлийг 2025.04.09-нд хэлэлцээд, “Төрийн захиргааны албан тушаалтан хүн гаргасан хууль бус шийдвэрийнхээ үр дагаврыг хариуцах нь төрийн албаны зарчимд нийцнэ” гэж үзэж, У-гаар Төрийн санд 1.9 сая төгрөг нөхөн төлүүлэхээр шийдвэрлэв.

0/1000