ОХУ-аас өнөөдөр 4000 тонн буюу 19 вагон шатахуун оруулж ирж байгаа тухай Аж үйлдвэр, эрдэс баялгийн яам мэдээллээ. Энэ нь ердийн үед ОХУ-аас манай улсад нийлүүлдэг шатахуунаас 4 дахин их юм байна. Ердийн үед манай улсад 950-1200 тонныг нийлүүлдэг.

Шатахуун ачсан 19 вагон Сэлэнгэ аймгийн Сүхбаатар өртөөнд орж ирсэн байна. Үүний 6 вагон нь АИ-92 бензин. Энэ нь манай улсын хэрэглэгчдийн 3-4 хоногийн хэрэглээг хангана.