Үндэсний статистикийн хороо, Соёл, спорт, аялал жуучлал, залуучуудын яам хамтран өчигдрөөс дотоодын жуулчдын түүвэр судалгаа хийж эхэллээ. Энэ сарын 28 хүртэл зохион байгуулах уг судалгаагаар дотоодын аяллын чиглэл, хугацааг тодорхойлох, эдийн засагт дотоодын аялагчдын оруулж буй хувь нэмрийг үнэлэх, сэтгэл ханамжийг судлах зорилготой аж. Судалгаанд санамсаргүй түүврийн аргаар сонгогдсон 13.260 иргэнийг хамруулна. Иргэдтэй 7016-1212 дугаарын утсаар холбогдож, мэдээлэл цуглуулах юм. Энэ дугаараас залгавал та утсаа авч, судалгаанд оролцоорой.