Улсын болон нийслэлийн төсвийн хөрөнгөөр Сонгинохайрхан дүүргийн ерөнхий боловсролын 62 дугаар сургуулийг 640 сурагч хичээллэх хүчин чадалтай өргөтгөлтэй болгов. Барилга, байгууламж ашиглалтад хүлээн авах улсын комисс 11 дүгээр сарын 12-нд уг өргөтгөлийг шалгаж, ашиглалтад хүлээн авлаа.

Тус барилгын зураг төслийг “Барилга байгууламж” ХХК гаргаж, “Ганзосон констракшн”, “Эм Ди констракшн” ХХК барьжээ. 62 дугаар сургууль нийслэлийн ачаалал ихтэй бүсэд байрладаг. Өргөтгөлтэй болсноор тус сургуулийн сурагчид эрүүл, аюулгүй, тав тухтай орчинд суралцах боломж бүрдэж байна.