УИХ дахь Ардчилсан намын бүлэг өнөөдөр хуваарийн дагуу хуралдаж байна. Уг хурлаар “Улс төрийн намын дарга нь УИХ-ын дарга байж болохгүй” гэсэн заалттай хуулийн төсөл санаачилжээ. Мөн намын дарга Ерөнхий сайдаар ажиллах нь зөв гэж АН-ын бүлгийнхэн үзэж байгаа аж.
МАН-ын 31 дүгээр их хурал өндөрлөж, намын даргаараа Н.Учралыг сонгон, УИХ-ын даргад зүтгүүлэх тохироо хийсэн гэсэн мэдээлэл бий. Тэгвэл АН-ынхан бүлгийн хурлаараа дээрх хуулийн төслийг санаачилж, МАН-ын тохироонд бойкот хийхээр болж байна.