Д.О, Л.Б нар нэр бүхий эмэгтэйчүүдийн эмзэг байдлыг нь далимдуулан, биеийг нь үнэлүүлдэг байжээ. Тэд саун массаж нэрийн дор биеэ үнэлэх газар байгуулан, цахим орчинд “Санхүү авна” гэсэн зар тавьж, садар самуун явдалтнуудыг орон байраар хангаж байсныг цагдаагийн байгууллага тогтоосон байна. Энэ хэрэгт нийслэлийн Прокурорын газар Эрүүгийн хуулийн 12.6 дугаар зүйлийн 1,2 /Биеэ үнэлэхийг зохион байгуулах/, Эрүүгийн хуулийн 13.1 дүгээр зүйлийн 2.1, 2.2 /Хүн худалдаалах/-д зааснаар яллах дүгнэлт, үйлдэж Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны тойргийн шүүхэд шилжүүллээ.