Жижиг, дунд үйлдвэрийн газар, Олон улсын хөдөлмөрийн байгууллагын “Албан бус эдийн засгийг албажуулах төсөл”, Булган аймгийн “Хантай” зөгийн аж ахуй, “Инно” лаборатори хамтран, 11 сарын 28-нд Улаанбаатарт “Монгол зөгийн бал” форум зохион байгуулна. Монгол Улсад зөгийн аж ахуйн үйл ажиллагааг тогтворжуулах, нэгдэх хүсэлтэй зөгийчдийн хөдөлмөр эрхлэлтийг албажуулах, экспортын чиг баримжаатай Монголын зөгийн балны кластер байгуулах зорилготой энэ форумаар зөгийн аж ахуй эрхлэгчдэд балныхаа чанарыг хэрхэн баталгаажуулалт, гадаадад гаргах боломжийн талаар мэдээлэл өгөх юм байна.