Сугалаанд их хэмжээний мөнгө хожсон, азтан болсон мэтээр иргэдийг төөрөгдүүлж, тэдний хувийн мэдээлэл, ОТР код зэргийг авч, бусдын эд хөрөнгийг залилах гэмт хэрэг цагдаагийн байгууллагад олон бүртгэгдэж байна. Тухайлбал: Энэ оны 11-р сарын 4-нд иргэний фэйсбүүк цахим хаягаар үл таних этгээд холбогдож, “60 сая төгрөг хожсон байна” гэж итгүүлэн, OTP кодыг нь авч, 11 удаагийн гүйлгээгээр 8,314,500 төгрөг залилжээ. Энэ хэргийг цагдаагийн байгууллага шалгаж байна.

Иймд иргэдийг өөрийн цахим хаяг, банкны нууц мэдээллээ бусдад дамжуулахгүй байх, хувийн мэдээллээ хуваалцахгүй байх, цахим сугалаанд оролцохгүй байхыг санууллаа.