Өмнөговь аймгийн Цогтцэций сумын Сийрст багийн Хадан-Ус гэдэг газар  /аймгийн төвөөс зүүн зүгт 130 км-т, сумын төвөөс зүүн урд зүгт 30 км-т/ өнгөрсөн шөнө ачааны 2 машин мөргөлдлөө. Уг ослын үеэр машины төмөр хийцэд 1 хүн хавчуулагдсан байна. Цогтцэций сумаас Цагаанхад руу явж байсан “XCMG XGA4250D3WC” загварын зүтгүүр, мөн “HOWO ZZ4257W324HE1H” загварын зүтгүүртэй мөргөлдөж, жолооч С /23 настай, эрэгтэй/ бүхээг дотроо хавчуулагдсан аж. Энэ тухай дуудлагыг 11-р сарын 20-ны 02:45 цагт тус аймгийн Онцгой байдлын газрын 44 дүгээр анги хүлээн авчээ. Тэд уг жолоочийг эсэн мэнд гаргаж, тус сумын эрүүл мэндийн төвд хүлээлгэн өгчээ.