Завхан аймгийн Отгон сум Баянбулаг багийн Ар-Элстэй гэдэг газраас Улиастай сум руу 11-р сарын 18-ны өдрийн 17:00 цагийн орчим “Тоёота приус-20” загварын суудлын автомашинтай явсан иргэн Э сураггүй болсон тухай дуудлага 11-р сарын 19-ний өдрийн 14:25 цагт аврагчдад иржээ. Тус аймгийн Онцгой байдлын газрын Отгон сум дахь Эрэн хайх, аврах бүлгийн алба хаагчид, Цагдаагийн тасаг түүнийг эрэн хайх ажиллагааг өчигдөр 15:25 цагаас зохион байгуулж, 21:30 цагт Шилүүстэй сумын Сайхан багийн Бухын өвөлжөө гэдэг газар төөрч, машин нь цасанд сууж, дугуй нь хагарсан байхад олжээ. Жолооч эсэн мэнд байжээ.