Монголын Зохиолчдын Эвлэлийн Удирдах зөвлөл хуралдаж, байгууллагын дүрмийн 5.3 дахь заалт болон Үндэсний төвүүдийн нэгдсэн чуулганы шийдвэрийг үндэслэн ээлжит их чуулганаа хуралдуулах товыг баталлаа. Удирдах зөвлөлийн шийдвэрээр МЗЭ-ийн ээлжит их чуулганыг 2026 оны нэгдүгээр сарын 16-нд зохион байгуулахаар болжээ. Энэ удаагийн их чуулган нь Эвлэлийн үйл ажиллагааны чиглэл, хөгжлийн бодлого, уран бүтээлчдийн эрх зүйн орчны шинэчлэл зэрэг хэд хэдэн чухал асуудлыг хэлэлцэхээр төлөвлөгдөж байна.