УИХ дахь МАН-ын бүлэг дэгийн тухай хуульд өөрчлөлт оруулж Үндсэн хуультай нийцүүлэх нь зүйтэй гэж үзсэн байна. Тодруулбал Засгийн газрын гишүүнийг буюу сайд нарыг томилох Ерөнхий сайдын бүрэн эрхийг баталгаажуулах үүднээс УИХ-д сайдад нэр дэвшигчийг танилцуулах ажлыг 5 хоногийн дотор багтаан хэлэлцүүлэх хуулийн хугацаатай болгохоор төсөлд дурджээ. Түүнчлэн засгийн газрыг огцруулах асуудлыг хэлэлцэхдээ дэмжээгүй саналыг дэмжих томъёоллыг хэрэглэх нь Үндсэн хууль зөрчих учраас өөрчлөх нь зүйтэй хэмээн үзсэн байна.