IBA буюу Олон улсын боксын холбооноос зохион байгуулж буй сонирхогчдын боксын Дэлхийн аварга шалгаруулах тэмцээн маргааш Арабын Нэгдсэн Эмират Улсын Дубай хотод эхэлнэ. Тэмцээн лхагва гарагт эхэлж, энэ сарын 13-ны өдөр өндөрлөнө.
120 орон оролцох тус тэмцээнд дасгалжуулагч Х.Хайнарын удирдлага дор зургаан боксчин тулалдах гэж байна. 54 кг-ын жинд ОУХМ Г.Ган-Эрдэнэ, 57 кг-ын жинд ОУХМ Х.Энх-Амар, 60 кг-ын жинд Гавьяат тамирчин Э.Цэндбаатар, 63.5 кг-ын жинд спортын мастер А.Даваадалай, 67 кг-ын жинд ОУХМ А.Жандос, +92 кг-ын жинд ОУХМ Х.Бекнур нар багтжээ.