Хувийн цэцэрлэгүүдийн холбооноос Боловсролын сайд П.Наранбаярт хувьсах зардлыг цаг тухайд нь олгох талаар хүсэлт хүргүүлжээ. Тэгвэл тухайн асуудлыг Боловсролын сайд авч хэлэлцэж хүлээгдэж буй санхүүжилтийг 12-р сарын 10- ны дотор олгохоо мэдэгджээ. Тодруулбал, Улсын төсвөөс 260 хувийн цэцэрлэгт 22.9 тэрбум төгрөг, хоолны зардалд 5.6 тэрбум гээд нийт 48.2 тэрбум төгрөгийн санхүүжилтийг олгоод буй. Харин 11-р сарын санхүүжилт болох 376 төрийн бус өмчийн цэцэрлэгийн 6.6 тэрбум төгрөгийн санхүүжилтийг 12-р сарын 10-ны дотор олгох юм.