Ховд аймгийн Манхан сумын Баянгол багийн Урт-Аралын-Үзүүр гэдэг газар /аймгийн төвөөс зүүн зүгт 50 км-т, сумын төвөөс зүүн хойд зүгт 55 км-т/ өчигдөр Хар-Ус нуурын мөс цөмөрч, суудлын автомашин суусан байна. Энэ тухай дуудлагыг 12-р сарын 7-ны өдрийн 10:55 цагт хүлээн авч, тус аймгийн Онцгой байдлын газрын Манхан сум дахь Эрэн хайх аврах бүлэг очжээ. Иргэн Д-ын “Prius-20” загварын суудлын машиныг аврагчид уг нуураас татан гаргав.