Засгийн газар өнөөдөр төсвийн мөнгийг хэмнэх бодлогод хяналт тавихыг төсвийн ерөнхийлөн захирагч нарт үүрэг болгожээ. Улс, орон нутгийн төсвийн мөнгөөр Шинэ жилийн баяр тэмдэглэхгүй байх, бэлэг, дурсгал худалдан авахгүй байхыг сануулжээ. Төрийн хэмнэлтийн тухай хуульд заасны дагуу Монгол Улсын 2025 оны төсвийн тухай хуульд өөрчлөлт оруулж, бүх шатны төрийн байгууллагуудын тэвчиж болох зардлыг хэмнэсэн юм. Энэхүү хэмнэх бодлого 2025 он дуустал үргэлжилж буйг Сангийн сайд Б.Жавхлан санууллаа.