УИХ дахь Ардчилсан намын бүлгийн дарга О.Цогтгэрэл Ерөнхий сайд Г.Занданшатарт албан шаардлага хүргүүлжээ. Уг шаардлагадаа Булган аймгийн Засаг дарга  Д.Пүрэв-Очирыг албан тушаалаас нь чөлөөлж, хуулийн хэрэгжилтийг хангах ёстой гэж үзсэн байна.

Тодруулбал, Д.Пүрэв-Очирыг 2024 оны 11-р сарын 13-ны өдөр Булган аймгийн Засаг даргаар томилсон нь “төрийн албанд гурваас доошгүй жил ажилласан байх ёстой” гэсэн хуулийн шаардлагад нийцээгүй гэж үзжээ.  

Дашрамд дурдахад, Д.Пүрэв-Очирыг хангалтгүй ажилласан гэж Булган аймгийн ИТХ дүгнэсэн гэдэг мэдээлэл олон нийтэд түгээд байна.

Аймгийн ес дэх удаагийн орон нутгийн сонгуулиар бүрдсэн ИТХ-ын анхдугаар хуралдаанаас Булган аймгийн Засаг даргаар 51,7 хувийн саналаар Дагвадоржийн Пүрэв-Очирыг сонгож, Монгол Улсын Ерөнхий сайдад уламжлахаар болж байжээ.