<p>УИХ-ын дарга асан Д.Амарбаясгалан, УИХ-ын дэд дарга асан Х.Булгантуяа, Ерөнхий сайд асан Л.Оюун-Эрдэнэ, Шадар сайд асан С.Амарсайхан нар ажлаа өгснөөсөө хойш чуулганы нэгдсэн хуралдаанд огт суусангүй. МАН-ын бүлгийн дарга Ж.Бат-Эрдэнэ &#8220;Бүгдээрээ өвчтэй, гачигдал зовлон тохиолдсон&#8221; гэдгээс өөр тайлбар өгч чадахгүй сууна.</p> <p>УИХ-ын дарга асан <strong>Д.Амарбаясгалан</strong> МАН-ын их хурлаас хойш Төрийн ордонд үзэгдээгүй. Ажилдаа ирээгүй шалтгааныг нь чөлөөтэй хэмээн ирцийн мэдээнд дурдсан байна. Харин УИХ-ын дэд дарга асан <strong>Х.Булгантуяа</strong>г эмнэлгийн чөлөөтэй хэмээн бүртгэсээр сар гаруйн хугацаа өнгөрлөө. Тэгвэл Ерөнхий сайд асан <strong>Л.Оюун-Эрдэнийн</strong> хувьд гачигдал гарсан хэмээн бүлгийн даргаасаа чөлөө авсан гэнэ. Шадар сайдын ажлаа өгснөөсөө хойш <strong>С.Амарсайхан </strong>чуулганы хуралдаанд оролцохгүй байгаа ч байнгын хорооны хуралд тогтмол оролцдог хэмээн эрх баригч намын бүлгийн дарга өмөөрөөд байна.</p> <blockquote class="wp-block-quote is-layout-flow wp-block-quote-is-layout-flow"> <p>Хамгийн сонирхолтой нь байнгын хорооны хурлын ирцийг нийтэд мэдээлдэггүй учраас сэтгүүлчдэд нягтлах боломж байдаггүй билээ.</p> </blockquote> <p></p>