<p>ҮСХ-оос Монгол Улсын нийгэм, эдийн засгийн 2025 оны эхний 11 сарын үзүүлэлтүүдийг танилцууллаа. Тодруулбал, </p> <p>Улсын хэмжээнд 2025 оны 3 дугаар улирлын байдлаар нэг ажилтанд ногдох сарын дундаж нэрлэсэн цалин 2 сая 714 мянган төгрөг, голч цалин 2 сая 312 мянган төгрөг, харин үндсэн цалингийн дундаж 2 сая 456 мянган төгрөг байна. </p> <blockquote class="wp-block-quote is-layout-flow wp-block-quote-is-layout-flow"> <p>Дундаж цалинг хүйсээр авч үзвэл, 2025 оны III улиралд эрэгтэйчүүдийнх 3.0, эмэгтэйчүүдийнх 2.5 сая төгрөг. Эмэгтэйчүүдийн цалин эрчүүдээс 17.5 хувь буюу  521.4 мянган төгрөгөөр бага.</p> </blockquote> <p>Өмнөх улиралтай харьцуулахад сарын дундаж нэрлэсэн цалин 1 хувь буюу 26.800 төгрөгөөр буурчээ.</p> <p>Дундаж цалинг байгууллагын хариуцлагын хэлбэрээр авч үзэхэд нөхөрлөл, хоршоонд ажиллагч эмэгтэйтэйчүүдийнх эрэгтэйчүүдийнхээс 26.3-57.4 хувиар өндөр, бусад хариуцлагын хэлбэрийн хувьд эрэгтэйчүүдийнх эмэгтэйчүүдээс 3.2-28.1 хувиар өндөр байна.</p>