Аж үйлдвэр, эрдэс баялгийн яамнаас шатахууны нөхцөл байдалтай холбоотой өнөөдрийн /2025.12.26/ мэдээллээ хийлээ. Энэ үеэр АҮЭБ-ийн дэд сайд Б.Энхтүвшин “Өнөөдөр өглөөнөөс эхлэн хөдөө, орон нутгуудад шатахуун нийлүүлэлт хийж эхэллээ. Хангайн болон төвийн бүсүүдэд шатахуун хадгалах нөөцийн сав байхгүй учир шууд нийлүүлэлт хийнэ. Ингэснээр төвийн бүсийн аймгуудад шатахууны хомсдол багасаж, нөхцөл байдал тогтворжино. ОХУ-аас нийлүүлэх 20 орчим мянган тонн АИ-92 автобензинийг энэ долоо хоногтоо нийлүүлэхээр онлайн хурал хийлээ. Цаашид шатахууны нийлүүлэлт тогтворжино” гэлээ.