Эх Хүүхдийн Эрүүл Мэндийн Үндэсний Төв нь нярайн төрсний дараах хүчилтөрөгчийн дутагдлын улмаас үүсэх тархины гэмтлээс урьдчилан сэргийлэх зорилгоор  дэлхийд хүлээн зөвшөөрөгдсөн “Тархи хөргөөх эмчилгээ”-г Монгол Улсад анх удаа нэвтрүүлэн амжилттай хэрэгжүүлжээ. Энэхүү эмчилгээг 2025 оны 1 дүгээр сараас эхлэн нэвтрүүлсэн бөгөөд өнөөдрийн байдлаар эмчилгээний үр дүн сайжирч, нярайн тархины гэмтлийн хүндрэлээс сэргийлэх, урт хугацааны сөрөг үр дагаврыг бууруулах бодит үр нөлөө ажиглагдаж байна.