Энэ сарын 01-ний өдрөөс эхлэн замын хөдөлгөөний зөрчлийг хиймэл оюунаар илрүүлэн шийдвэрлэх автомат хяналтын систем ажиллаж эхэлсэн. Хэрэв жолооч танд AI камерын ухаалаг системээс ирсэн мессежтэй холбоотой санал, хүсэлт байвал дараах зааврын дагуу санал, хүсэлтээ илэрхийлэх боломжтой.

1. Тусгай дугаараас ирсэн мессеж дээрх холбоос дээр дарна,
2. Зөрчлийн мэдээллээ нягталж шалгана,
3. Санал, хүсэлтээ холбоосны доод хэсэгт байрлах цэнхэр хэсэгт бичиж илгээнэ,
4. Таны гаргасан саналыг Тээврийн цагдаагийн албаны эрх бүхий албан тушаалтан хянаж, шийдвэрлэнэ.