Цагдаагийн байгууллагад 1 дүгээр сарын 11-ний өдөр “Нуурын мөс рүү машин орж, 2 хүн нас барсан байна” гэх дуудлага мэдээлэл бүртгэгдсэн байна. Уг дуудлагын дагуу тухайн орон нутгийн цагдаагийн байгууллагын албан хаагчид хэргийн газарт очиж, шалгахад мод тээвэрлэж явсан иргэд “Зил-131” маркийн тээврийн хэрэгсэлтэй зам товчлох зорилгоор баталгаагүй зам, гол, мөрний мөсөн дээгүүр зорчиж байх үед нуурын мөс цөмөрсний улмаас тээврийн хэрэгсэл дотор зорчиж явсан иргэдээс 2 нь живж, амиа алдсан байжээ. Уг хүмүүсийн цогцос болон живсэн тээврийн хэрэгслийг гаргахаар орон нутгийн Онцгой байдлын алба, Цагдаагийн газрын албан хаагчид ажиллаж байна.
Иймд иргэд та бүхэн батлагдаагүй зам, даваа, гүвээгээр зорчихгүй байж өөрийн болон бусдын амь нас, эд хөрөнгийг болзошгүй эрсдэлээс урьдчилан сэргийлэхийг анхааруулж байна.