Монгол Улсад сэтгэцийн эмгэг гэсэн оноштойгоор групп тогтоолгосон 21 мянган иргэн байдаг гэх статистик бий. Үүнээс Улаанбаатарт Сэтгэцийн эрүүл мэндийн үндэсний төвийн зайлшгүй хяналтад байх шаардлагатай 1723 иргэн байдаг аж. Эдгээр өвчтөн солиорсон үедээ гэмт хэрэг үйлдвэл эрүүгийн хариуцлага хүлээдэггүй, харин албадан эмчилгээнд хамруулдаг. Харин энгийн үедээ гэмт хэрэг үйлдвэл эрүүгийн хариуцлага хүлээлгэдэг гэдгийг СЭМҮТ мэдээлж буй. Иймд эдгээр хүнд зөвхөн эмчилгээ хийх бус, олон нийтийн аюулгүй байдлыг хамгаалах үүднээс сул чөлөөтэй явуулахаас сэргийлж, заавал асрамжийн газар байгуулах шаардлагатай гэж үзэж байна.