2025 оны 7 дугаар сарын 19-ний шөнө Улаанбаатар хотын Хүүхдийн 100 орчимд Ц.Санжаачойпэл, Б.Амарсайхан, Э.Тэмүүлэн, Л.Алтан-Очир нар бүлэглэн, Д.Саяннямбуугийн биед халдаж, эрүүл мэндэд нь хохирол учруулсан хэрэг гарсан. Тэгвэл тухайн хэргийн шүүх хурал өнөөдөр 10:00 цагт товлогдсон. Бусдад зодуулж гэмтсэн Д.Саяннямбууг яллагдагчаар татсан хэмээн шүүх мэдээлээд буй. Тэднийг хоорондоо харилцан зодолдсон хэмээн үзэж, Эрүүгийн хуулийн 11.4-1, 11.6-1, 20.16-1-р зүйлчилж, яллагдагчаар татжээ.

Шүүгдэгчид бүгд энэ хуралд 2 өмгөөлөгчтэй оролцож байна. Ц.Санжаачойпэлийн өмгөөлөгч Б.Мэргэн ээлжийн амралттай, гадагшаа явсан гэдэг шалтгаанаар өнөөдрийн хуралд ирсэнгүй. Мөн өөр нэг шүүгдэгчийн өмгөөлөгч нь өмгөөллийн эрхтэй эсэх нь тодорхойгүй гэх шалтгаанаар хурлыг нэгдүгээр сарын 29 хүртэл хойшлууллаа.