Төв аймаг боловсролын чанараараа бусад аймгаасаа сүүл мушгиж байгаа. Аймгийн удирдлагууд сурагчдын сургалтын чанарыг сайжруулах үүднээс энэ жилээс АНУ, Филиппин улсаас багш урьж, аймагтаа ажиллуулахаар төлөвлөжээ. Филиппинээс авчрах багшийн цалин сард 800 ам.доллар байх бол АНУ-аас ирэх багшийн цалингийн хэмжээ хараахан тодорхой болоогүй байна. Төв аймагт ажиллах англи хэлний багш нарыг Монголд ажиллаж, амьдрах хугацаанд нь айлд байлгах санал иржээ.