Нэгдүгээр сарыг “Умайн хүзүүний хорт хавдраас сэргийлэх мэдээллийн сар” болгон зарласан. Манай улсад жил бүр 500-520 эмэгтэйд энэ хавдар шинээр оношлогдож, 140 орчим эмэгтэй уг өвчний улмаас нас бардаг гэх судалгаа бий. Өөрөөр хэлбэл, өдөр бүр нэг эмэгтэйд умайн хүзүүний хорт хавдар шинээр оношлогдож, хоёр хоног тутамд нэг эмэгтэй нас барж байна. Түүнчлэн анхны бэлгийн хавьтлаар хүний папиллома вирусын халдвар авах эрсдэл өндөр байдаг талаар ХӨСҮТ-өөс мэдээллээ.