Найз залуудаа байнга зодуулж дарамтлуулдаг талаараа цахим орчинд шүгэл үлээсэн бүсгүйн талаарх мэдээллийг Цагдаагийн байгууллага шалгаж эхэлжээ. Цагдаагийн байгууллагаас уг асуудлыг энэ оны 01 дүгээр сарын 17-ны өдөр бүртгэлд авч шалгалтын ажиллагааг явуулж байгаа юм. Шалгалтын явцад энэ сарын 11-ний өдөр ХУД-ийн нутагт иргэн Э-ийн биед найз залуу болох Т нь халдаж зодсон нөхцөл байдал урьдчилсан байдлаар тогтоогдсон байна. Дээрх хэрэгт холбогдсон Т гэх залуу нь цахим контент бүтээгч залуу бөгөөд Инстаграм хаягтаа хохирогчийг буруутгасан агуулгатай тайлбар оруулсан нь олон дагагчдынх нь эгдүүцлийг өдөөжээ.