Иргэд буцалтгүй зээл олгоно гэсэн зарын дагуу холбогдож, залилуулах тохиолдол нэмэгджээ. Иргэд ихэвчлэн фейсбүүк хаягаар дамжуулж, зээл олгоно гэх зар мэдээллийн дагуу холбогдож, “Сертификат буцахгүй зээл” гэх гарчигтай хуурамч бичиг баримтад итгэн, үйлчилгээний хураамж шилжүүлэн залилуулж байна.

Уг сертификат нь сайн нягталж харвал үг үсгийн алдаа, хуулийн нэршил, зүйл анги гэх мэт олон уялдаа холбогдолгүй мэдээллийг агуулсан байна.

Иймд иргэн та энэ төрлийн хуурамч зар, бичиг баримтад хууртахгүй байх, сэжигтэй мэдээлэл илэрсэн тохиолдолд нэн даруй report хийж, өөрт учирч болзошгүй эрсдэлээс урьдчилан сэргийлэхийг ЦЕГ-аас анхаарууллаа.