Монгол Улсын төвийн эрчим хүчний нэгдсэн сүлжээнд холбогдсон Улаанбаатар хот болон бүх аймаг, орон нутагт Диспетчерийн үндэсний төв ээлжлэн цахилгаан хязгаарлаж байна. Дорноговь аймгийн Зүүнбаян, Өргөн, Хөвсгөл, Улаанбадрах сум, Хамрын хийдийн айл өрх, аж ахуйн нэгж, байгууллагуудыг хамруулж, тодорхойгүй хугацаагаар цахилгааныг нь хязгаарлажээ. Үүнтэй холбогдуулан Дорноговь цахилгаан түгээх сүлжээний салбараас хэрэглэгчдэдээ мэдээлэл өгч, цахилгаан тасарсан үед хэрэглэх нөөц эх үүсгүүр бэлтгэхийг зөвлөлөө.