Энэ оны 1 дүгээр сарын 28-нд иргэн А цахим орчинд байршуулсан “Юань зарна” гэх зарын дагуу өөрийн харилцах данснаас 58.000.000 төгрөгийг валют болгон солиулахаар шилжүүлж, залилуулжээ. Энэ талаарх дуудлагагыг цагдаагийн байгууллага бүртгэж, шалгаж эхэлсэн байна.

Өнгөрсөн 2025 онд цахим орчинд “Валют солино” гэх зарын дагуу 68 иргэн залилуулжээ.

Сар шинийн баяр ойртсон учраас иргэд хилийн чанадаас бараа таваар худалдан авах эрэлт ихэссэн. Үүнтэй холбоотой “Валют худалдана” гэх хуурамч зар мэдээллийг байршуулж иргэдийг залилах гэмт хэрэг ихэсчээ.