Зурхай
Цаг агаар
Валютын ханш
Радио
userБ. Энхзаяа

“Милан, Кортина” өвлийн олимп маргааш орой эхэлнэ

“Милан, Кортина” өвлийн олимп маргааш орой эхэлнэ

Хүн төрөлхтний их цэнгэл баяр, өвлийн олимпын XXV наадам Итали улсын Милан хотын 80.000 хүний суудалтай алдарт Сан-Сиро цэнгэлдэх хүрээлэнд Улаанбаатарын цагаар бямба гаргийн шөнийн 03:00 цагт эхлэх юм. Нээлтийн үйл ажиллагаа олон байрлалд зэрэг зохион байгуулагдаж, Предаццо, Ливиньо, Кортина, Ампеццо хотод төлөөлөгчид жагсана.

Өвлийн олимпын нээлтэд Итали болон олон улсын уран бүтээлчид оролцоно. АНУ-ын поп од Мэрайя Кэри нээлтийн тоглолтод оролцох аж.
Спортын 16 төрлийн 116 багц медалийн төлөө 92 улсын 3000 гаруй тамирчин өрсөлдөх уг олимпод Монгол Улсаа төлөөлж 3 тамирчин өрсөлдөнө.

  • А. Ариунбат – Уулын цана
  • Б. Ачбадрах – Гүйлтийн цана
  • Э. Ариунтунгалаг – Гүйлтийн цана

Олимпын нээлтийг 60,000 орчим үзэгч үзнэ гэсэн тооцоо гарсан байна. Итали улс түүхэндээ 4 дэх удаагаа өвлийн олимпын наадам хүлээн авч байна.

0/1000