“Дон Кихот” хайрын балетыг УДБЭТ-ын хамт олон Гэгээн хайрын өдөрт зориулан, энэ сарын 14, 15-нд толилуулах нь. Хөгжмийн зохиолч Л.Минкус уг балетыг зохиолч М.Д.Сервантесийн “Ла Маншийн ноён Кихот” романаас сэдэвлэн бичсэн юм. Алдарт бүжиг дэглээч М.Петипа уг хөгжмөөр “Дон Кихот” балетыг дэглэн, 1869 оны арванхоёрдугаар сарын 26-нд Москва хотын Их театрын тайзнаа анх тогложээ. Харин Монголын тайзнаа анх 1971 оны гуравдугаар сарын 1-нд тоглосон түүхтэй.