Өнөөдөр НИТХ-ын 10-р хурал хуралдаж 2026 оны төсвөө тодотгож байгаа билээ. Анх 4,3 их наядын төсөв батлаад байсан Нийслэлийн удирдлагууд төсвөө 2,2 их наядаар тэлэх санал оруулж ирсэн байдаг. Улаанбаатар хотын төсвийг үлэмж хэмжээгээр томруулах болсон шалтгааны нэг нь Улаанбаатар трамбай төсөл гэнэ. 2026 оны нийслэлийн төсөвт уг төсөлд 350 тэрбум төгрөг хуваарилагдаж байгаа юм. Гэхдээ энэ нь Улаанбаатар трамбай төслийн 29 хувь буюу урьдчилгааны дүн гэдгийг Нийслэлийн засаг даргын орлогч Т.Даваадалай тодрууллаа.