“Про” театр Оросын театрын холбоотой хамтран, ОХУ-ын шилдэг залуу найруулагч Екатерина Шиховаг Улаанбаатарт урьж, ОХУ-ын орчин үеийн жүжгийн зохиолчдын томоохон төлөөлөл Андрей Ивановын “Это все она” зохиолоос сэдэвлэсэн “Түүний буруу” орчин үеийн сэтгэл зүйн драмын жүжгийг үзэгчдийн хүртээл болгож байна.

“Түүний буруу” жүжгийг өчигдөр Монголд байгаа орос үзэгчдэд /2026.03.04/ зориулан орос хэлээр анх толилуулав. Өнөөдөр /2026.03.05/-аас монгол хэлээр РЦНК буюу Оросын шинжлэх ухаан соёлын төвийн тайзнаа тоглоно.