Эмч, өвчтөн, хэрэглэгч нар нийлж, мансууруулах эмийн үйлчилгээтэй тариаг бусдад худалдах зорилгоор эмчийн жорыг хууль бусаар бичиж, тариа аваад, зохион байгуулалттайгаар орон нутгаас Улаанбаатар хотод авчран, бусдад зарж борлуулдаг байжээ. Нийт 9 хүн холбогдсон энэ хэргийг өнгөрсөн 7 хоногт шүүх хэлэлцээд Ж.Х-д 1 жил, Ц.Т, Т.Б нарт 2 жилийн хугацаагаар зорчих эрх хязгаарлах ял, С.Б, А.У нарт 2 жил, 6 сар, Б.Б-д 3 жил, 2 сар, С.Б-т 5 жил, 2 сар, Д.Т-д 5 жил, 3 сарын хугацаатай хорих ял тус тус оногдууллаа. Тэдний гэмт хэрэг үйлдэж олсон хууль бус орлого болох 130 сая төгрөгийг А.У, Б.Б, Д.Т нараас гаргуулж, улсын орлого болгохоор шийдвэрлэсэн байна.