Нийслэлийн Налайх дүүргийн 119 дүгээр сургуулийн багш Д.Нэргүй дүүрэгтээ төдийгүй улсдаа ганцхан байх байгалийн ухааны түшиц кабинет байгуулжээ. Тэр 2018 оноос хойш төсөл бичиж, 8 байгууллагаас 60 орчим сая төгрөгийн санхүүжилт босгон, уг танхимаа тохижуулсан байна.
Энэ танхимд;
- Төрөл бүрийн газар зүйн макетууд
- VR дэлгэц, сарны гадарга дуранддаг дуран
- Нар сарны хиртэлтийг харуулдаг багаж
- Усны эргэлтийг харуулдаг багаж
- Дэлхийн дотоод бүтэц болон одны ордыг харуулсан глобус
- Улс төрийн глобус
- Салхины чиг хурд хэмждэг багаж
гэх мэт 6-аас 12 дугаар ангийн хүүхдүүд газар зүй, байгалийн ухааны хичээлийг шимтэн судлах бүх төрлийн хичээлийн хэрэглэгдэхүүнийг бүрдүүлжээ.



