<p>Намын дарга Н.Учралын хүсэлтээр МАН-ын Удирдах зөвлөл одоо хуралдаж улс төрийн шийдэл гаргахаар зэхэж байна. Улс төрийн шийдвэрт намын дарга нь Ерөнхий сайд байх тухай асуудлыг хэлэлцэнэ. Одоогийн байдлаар 2 хувилбар яригдаж байна. </p> <blockquote class="wp-block-quote is-layout-flow wp-block-quote-is-layout-flow"> <p>1-рт МАН-ын дарга Н.Учралыг Ерөнхий сайд болгох</p> <p>2-рт Ерөнхий сайд Г.Занданшатарыг МАН-ын дарга болгох</p> </blockquote> <p>Хэрэв эхний хувилбар дэмжигдвэл Бага хурлаа зарлан хуралдуулж Г.Занданшатарыг гомдолтой нь үлдээнэ. Харин 2 дахь хувилбар дэмжигдвэл Бага хурал хуралдаж Их хурлаа товлон намын даргаа ахин өөрчлөх асуудал яригдана.</p> <p><em>Аль ч талаас нь бодсон намын даргадаа төрийн жолоог атгуулах МАН-ын удирдах зөвлөлд бага зардалтай бөгөөд улс төрийг хурдан цэгцэнд нь оруулах хувилбар юм. Илүү тодорхой хэлбэл Н.Учрал Ерөнхий сайд болж өөрийн танхимаа бүрдүүлнэ гэсэн үг. </em></p> <p>Зарим эх сурвалжуудын таамаглаж байгаагаар Н.Учрал засгийн газартаа АН-ыг урина гэсэн хувилбар яригдаж байна. Гэхдээ Ардчилсан намын дарга О.Цогтгэрэл хамтрахгүй гэдгээ илэрхийлээд байгаа билээ. МАН-ын Удирдах зөвлөлд 39 гишүүнтэй. </p> <p></p>