УИХ-ын даргад нэр дэвшээд буй С.Бямбацогт гишүүн сэтгүүлчдэд мэдээлэл хийлээ.

УИХ-ын гишүүн С.Бямбацогт:

-УИХ-д 5 нам суудалтай байгаа. 5 намтай зөвшилцөж ойлголцох тал дээр идэвх санаачилгатай ажиллах шаардлагатай байгаа. УИХ-д суудалтай бусад намтайгаа УИХ-ын бодлого шийдвэрийг, Засгийн газрын үйл ажиллагааны бодлого шийдвэрийг хийж хэрэгжүүлэхэд нь УИХ-аар хурдан шуурхай хууль тогтоолуудыг батлах нь тулгамдсан асуудал байна.

МАН-ын бүлгийн 68 гишүүний үл ойлголцлын асуудал байгаа. Үүнийг бас яаж нэгдсэн ойлголттой болгох вэ, бас ЗГ-ын үйл ажиллагааны хөтөлбөр, УИХ, ЗГ-ын үйл ажиллагааг тогтвортой явуулах асуудлыг нэгтгэж зангидах вэ гэдэгт УИХ-ын даргын үүрэг оролцоо чухал. Энэ бүхэнд анхаарч ажиллана.