Монгол Улсын гадаад валютын нөөц 2026 оны 1 дүгээр улиралд 7,187.8 сая ам.долларт хүрч, оны эхнээс 182.5 сая ам.доллароор өсөж, түүхэн дээд түвшинд хүрсэн тухай Монголбанк мэдээллээ. Энэ нь валютын төлбөртэй барааны импортын 8.4 сарын хэрэгцээ бол бараа болон үйлчилгээний импортын 5.6 сарын хэрэгцээ аж. Богино хугацаат гадаад өр төлбөрийг 275 хувь төлөх түвшинд буюу олон улсад өргөн ашигладаг нөөцийн хүрэлцээт байдлын шалгуурыг хангаж байгаа юм байна.